हिमेशच्या गाण्य़ाचा जन्म !

तेव्हा हिमेश तितका प्रसिद्ध नव्हता.बेकारच असायचा बिचारा.व्हायोलीन घेऊन रोज बोरीवली ते चर्चगेट प्रवास करायचा.आप का सुरूर हा त्याचा अल्बम प्रसिद्ध होण्याआधीची ही गोष्ट .
कंडक्टर होता बेरकी.तिकिटाचे पैसे दिल्यावर त्याला कंडक्टरनं त्याच्या बोकडदाढीमुळे कधीही एक रूपया परत दिला नाही . तिकीट होतं नऊ रुपये. पण हा दयायचा दहा .तिकीट असायचं नऊ .
हे हिमेश किती वेळ सहन करणार होता ? शेवटी त्याने आपल्यावरील झालेल्या अन्यायाला गाण्यातून वाचा फोडायचे ठरवले.

हिमेश म्हणाला :
ए ऽ ऽ ऽ कंडक्टर ऽ ऽ ऽ
रूपया माझा ऽ ऽ ऽ परत कर ऽ ऽ ऽ ।।ध्रु ।।
रोजंच या वेळी,मी बसमध्ये बसतो ,
रोजंच रूपया ,माझा तू हडपतॊ.
रोजंचा एक म्हटल्या ऽ ऽ वर रूपये तीस ऽ ऽ ऽ ,
रूपये तीस ऽ ऽ ऽ ,
एका महीन्याचे होतात.
ए ऽ ऽ ऽ कंडक्टर ऽ ऽ ऽ चोरी ही अशी बंद कर ऽ ऽ ऽ ॥१॥
लाज नाही वाटंत,
चोरी करतोस,
वरतून फिरतोस,
सरकारी गाडीतून रोज ऽ ऽ ऽ ॥ २॥
मला द्यावासा वाटतो आहे तुला काठीचा प्रसाद ऽ ऽ ऽ ,
काठीचा प्रसाद ऽ ऽ ऽ
काठीचा प्रसाद ऽ ऽ ऽ ।।३॥

आता कोणाला खरंही वाटणार नाही पण हेच गाणं आप का सुरूर मध्ये शब्द बदलून घेतलं गेलं .
पराग खैरनार ,नासिक

paragkhairnar@gmail.com
visit my site: http://www.hasyaparag.blogspot.com/